И покрај фактот дека многумина беа скептици дека годинашниот Саем на книга ќе биде посетен налик на минатите години доколку се има предвид целата ситуација со Ковид 19, сепак и издавачите и читателите задоволни.
Радува фактит дека секоја година расте интересот на читателската публика за македонските автори.
Морам да признаам дека голем број издавачи бевме скептици во врска со организирањето на овој Саем во овој период. Но реалноста не поби и саемот е навистина прекрасен и супер посетен. Малку е топло но се издржува, така што задоволни сме. Она што последниве години Или или успеа да го направи е да ја афирмира македонската литература таа да стане привлечна и атрактивна за читателите, вели Ненад Стевовиќ од “Или Или”.
Со оглед на тоа што го очекувавме колку и да има посетеност заради Корона вирусот можам да кажам дека сме многу задоволни. Е сега ако споредиме со минатите години тоа е друго сега е „новата нормалност“. Дали повеќе се читаат домашни или странски автори ? Во многу голем подем се македонските автори, оценува Филип Батковски од книгоиздателството Бата прес.
Различни генерации различен избор на жанрови.
Саемот на книга во чии рамки се преставија 40 издавачи годинава беше без присуство на странските писатели како гости кои вообичаено беа дел од овој голем празник на книгата и имаа можност низ разговорите со читателите да ги споделат своите искуства за актуелните случувања во литературата.
Нина Стефанова