Економија

РЕК Битола ќе ги врати во функција поплавените рудници

РЕК Битола донесе акционен план за санирање на последиците од поплавите во рудниците во најголемиот производител  на струја во државата и нивно  целосно ставње во функција. Обилните врнежи во Пелагонискиот регион предизвикаа елементрарна непогода на површинксиот коп,  па во прекин е ископот на јаглен. Подготвени се краткорочни и среднорочни мерки за ефикасно санирање на штетите, а покрај со сопствените ресурси, доколку е потребно, за реализиација на акциониот план ќе се вклучат Армијата, Дирекцијата за заштита и спасување, Центарот за управување со кризи, информираат од Државните електрани.

Деновиве со обилните и интензивни врнежи, во  Рудникот Суводол  се слеале околу 630.000 метри кубни вода, што претставува временски феномен незабележан во последните 20 години. И покрај елементарната непогода со која се соочува комбинатот, производството на електрична енергија засега продолжува непречено, согласно планот и потребите на електроенергетскиот систем на земјата, информираат од Дравните електрани. Ова е трета поплава на Рудникот Суводол во РЕК Битола во рок од два месеци.

Емилија Мисирлиевска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Ако се зголеми цената на струјата, ќе следи тежок период со нов бран поскапувања, предупредуваат од ССМ

Дејан Дејан

Дизелот поскапува за два денара од полноќ

Дејан Дејан

Поскапува струјата, понудата на ЕСМ е за 5 отсто поскапо да ја продава струјата за домаќинствата

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе