По пауза од 42 години за прв пат во Мелбурн во финалето на двојки во машка конкуренција ќе се сретнат домашни тенисери. Ник Кириос и Танаси Кокинакис кои на турнирот влегоа по покана од организаторот ќе се борат за трофејот откако во полуфиналето во два сета ја совладаа Аргентинско-шпанската комбинација Хорасио Себаљос и Марсел Гранољерс.
Противници ќе им бидат Метју Ебден и Макс Пурсел кои беа поуспешни од вторите фаворити Американецот, Раџив Рам и Џо Сејлсбури од Велика Британија.
Кај дамите Бразилско-казахстанската двојка Неатриз Хадад – Ана Данилина направи огромно изненадување совладувајќи ги вторите носителки Шуко Аојама и Ена Шибахара додека во второто полуфинале првите фаворитки Барбора Крејчикова и Катерина Синаикова триумфираа над Руско-белгиската двојка Вероника Кудерметова – Елис Мертенс.