На Купот на Африкански нации денеска се играат уште два осминафинални натпревари.
Репрезентацијата на Сенегал е фаворит во соочувањето со Зеленортската Република. Сенегалците на патот до осминафиналето забележаа само една победа и во досегашниот тек од турнирот постигнаа само еден погодок што беше доволно да се најдат меѓу шеснаесетте најдобри на турнирот.
И покрај фактот што составот предводен од Садио Мане не импресионираше во претходните натпревари сепак Сенегал е фаворит во соочувањето со денешниот противник, кој се уште нема победа во елиминациската фаза од Купот на Африка.
Во вториот дуел Мароко и покрај проблемите со составувањето на тимот успеа да стигне до осминафиналето со две победи и еден нерешен резултат, а клучен беше триумфот на директниот конкурент Гана.
Мечот меѓу Сенегал и Зеленортската Република почнува во 17 часот, а за 20 закажан е почетокот на дуелот Мароко – Малави.
ФОТО: Игор Паневски