Етичкиот комитет на ФИФА соопшти дека и покрај фактот што претседателот Џани Инфантино е под истрага за корупција нема пречка да остане на функцијата.
Реакцијата на етичкиот комитет доаѓа по силните притисоци да се смени првиот човек на Светскиот фудбал бидејќи тоа не е добро за имиџот на организацијата чиј претседател е под истрага за корупција, а патем поради функцијата може да влијае врз текот на истрагата.
Швајцарскиот јавен обвинител Мишел Лобер исто така побара од Инфантино да поднесе оставка, а идентично реагираше и поранешниот прв човек на ФИФА, Сеп Блатер кој исто така мораше да се повлече поради обвиненија за корупција.
Од етичкиот комитет истакнуваат дека Инфантино нема причина да ја опструира истрагата бидејќи тој постојано се залага за расчистување на сите скандали во организацијата и ќе им помага на истражителите.
