Американските воени сили извршија воздушни напади врз цели во Иран како одговор на нападот врз трговски брод во Ормутскиот теснец што се случи вчера.
Централната команда на САД соопшти дека тоа е силна реакција на иранската агресија.
Американските авиони ги таргетираа магацините на ракети и беспилотни летала, како и крајбрежните радарски станици на иранските сили..Неоправданата агресија врз комерцијалниот брод од страна на иранските сили очигледно го прекрши прекинот на огнот“, соопштија од Централната команда на САД.
Иран го нападна товарниот брод M/V Ever Lovely со камикази дрон на 25 јуни. Бродот, кој плови под сингапурското знаме, беше погоден при излегувањето од Ормутскиот теснец, покрај брегот на Оман.
Нападите следуваат откако претседателот Доналд Трамп го нарече нападот со беспилотни летала врз бродот во Ормускиот теснец „глупаво кршење“ на договорот за завршување на војната со Иран.На прашањето дали Иран ќе се соочи со какви било последици, Трамп им рече на новинарите во Овалната соба само: „Ќе дознаете.“