Од СДСМ оценија дека по две години од владеењето на премиерот Христијан Мицкоски и ВМРО-ДПМНЕ, државата се соочува со економски проблеми, зголемен јавен долг и недоволни резултати во подобрувањето на животниот стандард на граѓаните.
Според партијата, буџетскиот дефицит е речиси исцрпен уште во првата половина од годината, додека растот на економијата се темели претежно на личната потрошувачка.
Од СДСМ тврдат дека нема доволно средства за повисоки плати, пензии и поголема поддршка за земјоделците, а воедно посочуваат и на пад на странските инвестиции.
Во соопштението се наведува и дека државата е во политичка изолација и дека е забавен напредокот кон Европската Унија.
Од СДСМ сметаат дека актуелната власт не ги исполнила ветувањата за подобар живот и економски развој, оценувајќи дека граѓаните се соочуваат со поголема несигурност и намалени економски перспективи.