Претседателите на САД и Иран потпишаа почетен мировен договор со цел да се стави крај на воениот конфликт меѓу двете земји.
Договорот предвидува итен прекин на воените операции, повторно отворање на Ормускиот Теснец и почеток на преговори за конечно решение во рок од 60 дена.
Според договорот, Иран се обврзува дека нема да развива нуклеарно оружје, а неговите резерви на збогатен ураниум ќе бидат разредени под надзор на Меѓународната агенција за атомска енергија.
Истовремено, САД најавија укинување на санкциите кон Техеран и поддршка за економска обнова на земјата.
Иако договорот беше поздравен како чекор кон стабилизација на регионот и светската економија, тој предизвика критики во американскиот Конгрес и во Иран.
Спорни остануваат прашањата за балистичката програма на Иран, регионалните вооружени групи и идниот режим на пловидба низ Ормускиот Теснец.
Пакистан: Мировниот договор стапува на сила веднаш
Рамковниот мировен договор меѓу САД и Иран стапува во сила веднаш по неговото потпишување, соопшти пакистанскиот премиер Шахбаз Шариф, кој наведе дека Исламабад посредувал во постигнувањето на договорот.
Според неговата изјава, договорот бил активиран без одложување по електронското потпишување од двете страни.
Шариф информираше дека Иран ќе го отвори Ормускиот Теснец, додека САД ќе ја укинат поморската блокада на иранските пристаништа.
Според наводите, Пакистан со поддршка на Катар работел на посредување на договорот, а се споменувала и можност за официјална церемонија во Швајцарија.
Дополнително, дел од меѓународните медиуми јавуваат дека потпишувањето било забрзано поради отворањето на Ормутс, клучна рута за светската трговија со нафта и гас.
Le Président Trump a signé ce soir à Versailles l’accord entre l’Iran et les États-Unis.
Cet accord ouvre la voie à une paix durable et permet la réouverture du détroit d’Ormuz.
C’est un pas important dans la bonne direction pour nos compatriotes… pic.twitter.com/b1XgZrBv0m
— Emmanuel Macron (@EmmanuelMacron) June 18, 2026