Претседателот на федералните резерви, Џером Пауел, зборубаше за инфлацијата во услови на скок на цените на енергијата од војната со Иран, велејќи дека никој не знае каков ќе биде шокот во понудата и додавајќи дека политиката на централната банка е во добра позиција да почека и да види како ќе се одвиваат работите.
-Бевме, бевме на инфлација од околу 3%, а некаде помеѓу 0,5 и 0,8 од тоа е од царини. Значи, цело време бевме прилично блиску до 2%. Сега ни претстои уште еден шок во понудата. Знаете, ова е еден од оние времиња кога добивате серија шокови во понудата, прво пандемијата, потоа многу помалиот од царините, а потоа сега добиваме енергетски шок. Никој не знае колку голем ќе биде. Премногу е рано да се знае. Како што споменав, мислиме дека нашата политика е на добра позиција за да почекаме и да видиме, изјави Пауел.