Украинскиот претседател Володимир Зеленски изјави дека европското присуство на мировните преговори во Швајцарија било многу „важно“. „Токму вака планираме да работиме во иднина – да осигуриме дека позициите на Европа ќе бидат земени предвид“, рече Зеленски во видео обраќање. Изјавата на Зеленски дојде откако најновите разговори, посредувани од САД, меѓу претставниците од Москва и Киев за руската тотална инвазија на Украина завршија без знаци за пробив. Преговорите во Швајцарија беа третата рунда директни разговори организирани од САД.
-Важно е што Европејците беа присутни во Швајцарија. Токму така планираме да работиме во иднина да обезбедиме дека позициите на Европа ќе бидат земени предвид. Исто така, сакам да им се заблагодарам на сите членови на нашата делегација за строгото почитување на директивите за време на преговорите. Многу е важно Украина да зборува самоуверено, силно и на координиран начин. Украинското единство секогаш дава најголеми резултати, изјави Зеленски