Шестотини евра минимална плата ќе стави клуч на многу дуќани, бидејќи нема да може да плаќаат придонеси и да исплаќаат плата, тврдат од занаетчиската комора. За занаетчиите во моментов единствено добро решение е она зад кое стојат работодавачите, КСС и Владата а тоа е мартовската минимална плата да се зголеми согласно законското решение, односно за околу 1.600 денари.
Од Комората велат дека во помалите градови ќе има поголем удар поради малиот број на жители и иселувањето, а најголем проблем ќе имаат суфицитарните занаети кои се во исчезнување, како и оние повеќе вработени, бидејќи ќе ги покачат цените на услугите и ќе отпуштат вработени.
Според официјалните податоци, во Скопје има повеќе од 3.200 занаетчии во регистар, додека во државата околу 8.000 главно од услужни дејности како пекари, козметичари, фризери, електричари, плочкари, водоводџии.
Од Комората истакнуваат дека има недостаток на кадар во сите сектори кој полека се надополнува поради се поголемиот број на ученици запишани во стручните средни училишта и дуалното образование.
Огнен Чанчаревиќ