В.Д. претседателката на Кривичен суд Скопје Даниела Димовска со реакција откако нејзиното име се спомнува во јавноста бидејќи братот на Димовска, Драган Паунов е еден од осомничените во новата истрага за кочански Пулс. Паунов е даночен контролор во Регионална дирекција на УЈП во Штип е осомничен дека со примање поткуп му доставувал информации за контроли на синот на реалниот газда на Пулс, кабаре каде се случи трагедијата и загинаа 63 луѓе.
Димовска во реакцијата вели дека нема никаква улога во предметот кој се води во судот во Кочани.
-Ниту јас, ниту овој суд има било каква улога во тој предмет, јас не можам и не смеам да влијаам врз него. Како претседател на судот, мојата работа се однесува на обезбедување услови за независнo и непристраснo работење и ја уверувам јавноста дека судот ќе продолжи да работи професионално, законито и транспарентно во постапката за пожарот во дискотеката „Пулс“, како и досега. Моите лични семејни околности немаат и не можат да имаат никакво влијание врз работењето на конкретниот случај во судот- Даниела Димовска – в.д. претседател на Кривичен суд – Скопје.
Во Кривичниот суд каде Димовска во моментов ја извршува функцијата на в.д. претседател неделава започна судењето против 35 мина обвинети за пожарот во Пулс во Кочани во кој загинаа 63 млади луѓе.
Б.Н.