Пратениците на СДСМ и Коалицијата најавија дека денеска ќе поднесат предлог до Собранието за одржување надзорна расправа и формирање посебна анкетна комисија за целосно и независно испитување на трагедијата во „Пулс“, соопшти претседателот на партијата Венко Филипче на својот Фејсбук профил.
Ова е дел од поддршката на барањата на семејствата на загинатите и повредените, и целта е утврдување на вистината и одговорноста на сите институции.
Филипче истакна дека пратеничката група и раководството на СДСМ ги оцениле овие чекори како неопходни за проверка на постапувањето на институциите, утврдување на политичка одговорност и подготовка на мерки за спречување на слични трагедии во иднина.
Тој ги повика сите пратеници од различни политички партии да ги поддржат овие иницијативи во Собранието, нагласувајќи дека целта е јавноста да добие целосна и независна анализа на настанот.
