Адвокат, кој бил мобилизиран од украинската војска, илегално ја минал државната граница со Унгарија во Закарпатската област, пробивајќи ја рампата на контролната точка Велика Палад. Во инцидентот е повреден и припадник на граничната патрола, а надзорните камери го снимиле бегството.
По повод инцидентот се огласи и прес-службата на украинската гранична стража. Во соопштението се изразува сомнение дека е сторено казнено дело „загрозување на живот на полицаец, припадник на јавна формација за заштита на јавниот ред и мир и на државната граница или припадник на војската“.
Инцидентот го објави новинарот Виталиј Хлахола.
„Во четвртокот навечер, на контролата точка Велика Палад – Наѓиходош во подрачјето на граничниот одред Мукачево, маж во црна Тојота Авенсис со регистарски ознаки АО6422ЕЕ влезе во Европската Унија“, напиша Хлахола.
🇺🇦🚧 Mobilized Ukrainian soldier crashes through border and escapes to Hungary by car
A dramatic escape took place on the Zakarpattia border: a mobilized Ukrainian serviceman rammed through two barrier gates with his car and broke into Hungary via the SZZ checkpoint.
Local… pic.twitter.com/QS4o1b3uS9
— NEXTA (@nexta_tv) October 31, 2025
Според него, утврдено е дека возилото го управувал Едуард Пуканич кој е мобилизиран во јули оваа година. Пред да облече војничка униформа, работел како адвокат.