„Nvidia“ стана првата компанија вредна пет трилиони долари. Откако пред три месеци овој производител на чипови од Силиконската долина беше првиот што ја проби бариерата од четири трилиони долари.
Огромниот апетит за купување на чиповите „Nvidia“ е главната причина зошто цената на акциите на компанијата се зголеми толку брзо, започнувајќи уште во 2023 година.
Во средата акциите затворија на 207,04 долари со 24,3 милијарди акции во оптек, со што пазарната капитализација достигна 5,03 трилиони долари.
Извршниот директор на „Nvidia“, Јенсен Хуанг оваа недела патуваше во Јужна Кореја, додека лидерите од главните економии од САД, Кина и Јапонија, се собраа на годишниот самит на Азиско-пацифичката економска соработка.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.