Израелски војници убија пет Палестинци – тежок инцидент претпладнево во Газа

Тежок инцидент се случи денеска во Газа во кој израелската војска отвори оган и уби пет Палестинци.

Според израелските сили (ИДФ), пет осомничени Палестинци се убиени претпладнево, откако „ја минале т.н. Жолта линија“ до која се повлекле безбедносните сили во рамки на договорот за примирје во Појасот „и се приближиле кон пункт во источниот дел на квартот Шејаија во градот Газа“.

Израелските сили наведоа дека „Палестинците биле предупредени, меѓутоа се оглушиле на повикот да се оддалечат“, по што бил отворен оган за „отстранување на заканата“. Притоа ИДФ апелира на почитување на упатствата и да нема доближување до распоредените единици во таа област.