Претседателката на Европската централна банка, Кристин Лагард, од Стразбур порача дека секое користење на руските замрзнати средства за поддршка на Украина мора строго да се спроведува во согласност со меѓународното право.
Таа нагласи дека законитоста на ваквите финансиски шеми е неопходна за одржување на кредибилитетот на ЕУ на глобалната сцена.
Лагард потсети дека во игра се околу 210 милијарди евра руски средства замрзнати по инвазијата врз Украина, но предупреди дека геополитичките и правни последици од нивната употреба мора внимателно да се разгледаат.
Таа исто така ја потенцираше можноста за јакнење на еврото како глобална валута, што би овозможило економски придобивки за европските земји.
За да се постигне тоа, според Лагард, ЕУ мора да ги зацврсти своите економски основи преку капитална интеграција, независност на централните банки и развој на дигитално евро.
T.Д.