Вести Економија Топ вести

Почнува изградбата на гасниот интерконектор со Грција

Во близина на Неготино денеска почнува изградбата на гасниот интерконектор со Грција, а македонскиот дел од проектот ќе го изгради кумановската компанија „Рапид Билд“.

Договорот со оваа компанија беше потпишан во мај, а „Рапид Билд“ понуди најниска цена од 59,9 милиони евра, што е за 12 милиони евра пониско од понудата на второрангираниот изведувач од Србија.

Изградбата на македонскиот дел од интерконекторот, со должина од 67 километри, се очекува да трае 22 месеци, а проектот да биде завршен во 2027 година.

Овој интерконектор ќе ја поврзе земјава со грчката гасоводна мрежа, која веќе е речиси целосно изградена на својата страна, со должина од 123 километри.

Со ова поврзување, Македонија ќе добие дополнителен извор за природен гас, освен постојната врска преку Бугарија, што ќе ја зголеми енергетската безбедност и стабилност на снабдувањето.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Гори кај касарната во Ѓорче Петров, запалени куќи во Орман и во Волково – до 18 часот се евидентирани 25 пожари

Дејан Дејан

ОЈО ги испитува причините за настанување на пожарот во Визбегово

Дејан Дејан

Блокада на влезот во Битола

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе