Во ребалансот на буџетот е предвидено покачување на пензиите, согласно закон, порача денеска премиерот Христијан Мицкоски.
„Во делот на фискалното консолидирање,за жал, македонската економија, претходната влада, испушти можност да се консолидира, кога сите економии се консолидираа. Па така, ќе мора ние тоа да го правиме. Оваа година очекувам она ниво од 4 проценти буџетски дефицит да биде и пониско, а веќе во наредната година да се приближуваме кон онаа рамка од 3 проценти и подолу која што требаше одамна да ја постигнеме“, рече Мицкоски и додаде дека Светска банка во позитива ја корегира пчроекцијата за раст на македонската економија од 2,8 на 3 проценти.
Според него, „сите индикатори и бизнис околина што е креирана, полека, но сигурно дава резултат“. Мицкоски додаде дека препораките на Фискалниот совет се пристапува сериозно, се разгледуваат и анализираат и секоја конструктивна забелешка, како што порача, е добредојдена.