Волстрит заврши со тргување без големи промени откако Федералните резерви на САД најавија дека е можно до крајот на годинава да ги намалат каматните стапки дури двапати, доколку условите во економијата тоа го дозволат.
Претседателот на ФЕД, Џером Пауел, изјави дека централната банка внимателно ги следи ефектите од новите царини и трговски предизвици пред да донесе конечна одлука за монетарната политика. „Сѐ уште има неизвесност, но подготвени сме за дејствување доколку инфлацијата се движи во очекуваните рамки“, рече тој.
Меѓувреме, инвеститорите продолжуваат да бидат претпазливи, особено поради растечките тензии меѓу Израел и Иран, што дополнително влијае врз нестабилноста на пазарот на енергенси. Цената на нафтата денес повторно осцилираше, во услови на геополитичка неизвесност. Соочени со мешани економски сигнали, аналитичарите велат дека пазарите ќе продолжат со нестабилно движење додека не стане појасна стратегијата на ФЕД за остатокот од 2025 година.