Бостон е во негатива од 1-3 против Њујорк во полуфиналната плеј-оф серија во НБА-лигата, а сега ќе мора да бара чудо и без првата ѕвезда Џејсон Тејтум.
Кошаркарот на Селтикс ја повреди ахиловата тетива, а тимот синоќа соопшти дека 27-годишникот веднаш бил опериран. Тоа значи дека сезоната за Тејтум е завршена, но Бостон не соопшти до кога ќе биде надвор од паркетот. Вообичаено повредите на ахиловата тетива се исклучително тешки и спортистите отсуствуваа од 9 месеци до 1 година.
Тејтум се повреди на три минути до крајот на последниот меч против Никс, на кој одигра неверојатна кошарка и постигна 42 поени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.