Утринава во НБА-лигата на програмата беше само еден натпревар. Оклахома им се врати на победите по поразот од Далас пред три дена. Утринава Тандер славеше на гостувањето кај Портланд со 118-108.
Шаи Гилџеус Александер имаше 33 поени за победничкиот состав, а Џејлен Вилијамс имаше 24 поени и осум асистенции. Во редовите на Треилблејзерс, Дени Авдија запиша 28 поени.
Оклахома сега е најдобриот тим во лигата со ефект од 37 победи и 8 порази и го надмина Кливленд, кој е во лоша серија од три порази по ред и остана на 36 победи и 9 порази.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.