На тенискиот турнир во Акапулко од серијата 500 познати се полуфиналните двојки.
Алекс де Минор конечно ја прекина серијата од 10 порази во меѓусебните дуели со Стефанос Циципас и за прв пат во кариерата го победи Гркот со 1-6, 6-3 и 6-3 во четвртфиналето во Акапулко. Австралиецот во полуфиналето ќе се соочи со Џек Дрејпер, кој пак во два сета со по 6-2 го победи Миомир Кецмановиќ.
Второто полуфинале ќе биде скандинавска пресметка помеѓу Холгер Руне и Каспер Руд. Руне во два сета во тај-брејк го скрши отпорот на Доминик Кепфер од Германија, па Данецот за следен ривал ќе го има Руд, кој пак го елиминираше Бен Шелтон со 6-7, 6-4 и 6-4.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.