Само еден ден по објавувањето на веста за измена на системот на натпреварување во машкиот шампионат, денеска потврда и за новините што ќе се имплементираат и кај дамите.
Од следната сезона во првенството во женска конкуренција ќе партиципираат 14 екипи од кои шесте најдобро пласирани ќе бидат дел од разигрувањето за шампионската титула додека последните осум ќе се борат за опстанок во елитното друштво.
Во трката за освојувањето на титулата првопласираниот тим ќе пренесе три, освојувачите на второто и третото место по два бода, а четвртиот и петтиот по еден бод додека екипите кои ќе се најдат на седмата и осмата позиција разигрувањето го почнуваат без бодови.
За разлика од натпреварувањето во машка конкуренција, кај дамите во трката за опстанок, осумте екипи ќе бидат поделени во две групи по четири, а тимовите што ќе го освојат последното место се селат во понизок ранг.
Идентично како и првенството во машка конкуренција за победа ќе се доделуваат по два, а за нерешен резултат еден бод.
ФОТО: Игор Паневски