Условна казна од две години за Игор Јанушев актуелен пратеник на ВМРО – ДПМНЕ за набавката на кинеските двокатни автобуси, кој во 2010 беше на чело на ЈСП Скопје.
На денешното судско рочиште на кое беше објавена неправосилната пресуда не присуствуваше ниту тој, ниту неговиот адвокат, ниту обвинителката, па судијата Осман Шабани ја соопшти казната пред празна судница.
Предметот познат како „Дизајн“ го отвори СЈО, вкупниот договор за купување на двокатните автобуси од кинески „Јутонг“ изнесувал околу 35 милиони евра.
Поранешниот министер за транспорт и врски Миле Јанакиески и две други обвинети на судско рочиште минатата година признаа вина во случајот „Дизајн“ за набавката на кинеските двокатни автобуси за ЈСП и веднаш добија пресуда.
Обвинителен акт против четири лица за набавка на двокатните автобуси
Јанушев пак, како обвинет на едно од предходните рочишта рече дека не го разбира обвинението и дека се чувствува невин.
Според вчера изгласаните измени во Собранието на Кривичниот закон делото злоупотреба на службената положба застарува да 10 години, а според обвинението за случајот „Дизајн“ делата се сторени 2010 година.
Предмет на интерес на обвинителството во овој случај беа тендерите во периодот 2008-2010 година.
Кинеските двокатни автобуси „се паркираа“ во ново обвинение против Миле Јанакиески