Македонската машка репрезентација на Светското првенство за ракометари до 19 години успеа да се пласира во главната рунда и од утре ќе се бори за влез меѓу осумте најдобри на турнирот.
Денеска избраниците на селекторот Раде Стојановиќ имаат можност добро да се одморат пред следните два предизвика во главната рунда каде ги очекуваат соочувања со Австрија и Данска.
Дуелот против Данска се игра утре со почеток во 17 часот и 30 минути, а во вторник противник ни е репрезентацијата на Австрија во истиот термин.
Место во осминафиналето обезбедуваат двете првопласирани селекции, а четвртиот учесник во оваа група е Норвешка која во главната рунда пренесе два бода.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.