Со свечена церемонија слична на онаа за Коридорот 8, се означи стартот и на 10 ката- автопатот од Припел до Битола. Повторно на едно место се собра целата Влада. Меѓу гостите беа и дипломатите од земјава. Вицепремиерот Груби овој пат дојде облечен со бела маица со натпис 10 Д. По говорите и благодарниците, сите заедно облечени во флуоресцентни елеци ја открија таблата од Коридорот, зад која неколку машини го рамнеа теренот. Премиерот обелодени и факти – министри од овој крај досега не успеле да го изградат автопатот и сега ќе го гради штипјанец.
По поздравите и честитките, вицепремиерот Груби рече дека нема никој да ја спречи изградбата на овој проект, дури ни лидерот на ВМРО-ДПМНЕ Мицкоски.
Автопатот од Прилеп до Битола кој ќе го гради конзорциумот Бехтел и Енка е со должина од околу 40 километри.
Минатиот месец на сличен начин се означи стартот и на изградбата на Коридорот 8, – патниот правец Тетово – Гостивар Букојчани и Требеништа – Струга- Ќафасан.
Спорните закони за проектите, сега ќе се носат со европско знаменце и ќе одат по брза процедура во Собранието. А токму амбасадорот Гир во име на Европската унија рече дека тие не се согласуваат со европското знаменце на законите повзрани со реалзиаицјата на договорот со Бехтел и Енка. Властите пак тврдат со носењето на овие закони, според проценките од физибилити студија Коридорите ќе чинат 1, 3 милијадри евра, ако не се донесат сумата ќе биде поголема.
Ирена Чачкова