„Поштарите“ одбројуваат до штрајкот затоа што владата не ги прима на разговор за доцнење на платата и плановите за иднина

Средба во владата или протест пред владата.

Ако најдоцна утре, синдикатот и раководството на Македонска пошта не бидат примени на состанок со надлежните во Владата, вработените во оваа компанија што е во државна сопственост ќе излезат на протест.

Повод за нивното незадоволство е доцнењето на септемвриската плата но причини за револт има повеќе. Синдикалците бараат нова систематизација и стратегија и план за развој на компанијата.

Не е во прашање само дали доцни исплатата на платите, во прашање е иднината на националната пошта, вели во Утринската програма на Телма, Боро Велигденов, еден од синдикалните лидери.

Тие бараат сите пратки и писма меѓу државните инститиции да ги разнесува „Македонска пошта“ а не некој од приватните оператори.