Владата препорача намалување на потрошувачката на електрична и топлинска енергија за 15 проценти. Вкупната заштеда на јавните установи изнесува 20 отсто, 6 субјекти имаат остварено заштеда под 15 проценти. Најмалку штеделе Министерството за здравство, а Министерството за локална самоуправа ја зголемило потрошувачката.
Од овие субјекти, девет оствариле заштеди од минимум 15 отсто, пет оствариле заштеди помалку од 15 отсто, а два субјекта имаат поголема потрошувачка на електрична енергија – едниот за 10 отсто, додека другиот за над 50 проценти. Субјектот кај кој се забележува поголема потрошувачка на електрична енергија е ЈП Водостопанство – Македонија, информира Бектеши.
Министерот на прес-конференција во Владата претходно соопшти дека државните институции во септември реализирале вкупна заштеда на струја од 20 отсто.
Грејната сезона почна и треба сите ние во наредниот период малку да се фокусираме на штедење и на начините како да го направиме тоа. Една мала промена на секојдневните навики може да направи голема разлика, порача Бектеши.