Иако Иран и Соединетите Американски Држави одржаа часови долги индиректни преговори за иранската нуклеарна програма, сепак тие завршија без постигнат договор.
Сепак Оманскиот министер за надворешни работи, Бадр ал-Бусаиди, кој посредуваше во разговорите во Женева, изјави дека има „значителен напредок“, без да даде детали. Иранскиот министер за надворешни работи, Абас Арагчи, рече дека е „постигнат добар напредок“ и дека започнале сериозни дискусии за елементите на можен договор, особено за нуклеарните прашања и укинување на санкциите.
Меѓутоа, иранската државна телевизија соопшти дека Техеран е решен да продолжи со збогатување ураниум, го одбива предлогот за негово пренесување во странство и бара укинување на меѓународните санкции… Ал-Бусаиди рече дека техничките разговори ќе продолжат следната недела во Виена, каде што е седиштето на Меѓународната агенција за атомска енергија.