На маргините на минхенската безбедосна конференција, српскиот претседател Вучиќ ја криткуваше заменик генералната секретарка на НАТО, Радмила Шекеринска за нејзините критики на одредени сецесионистички изјави и одлуки кои тој ги поврзува со Република Српска.
На изјавaта на Вучиќ за Шекеринска, со осуда реагираше СДСМ.
Во пораката „оваа жена и луѓето кои доведоа до сецесија“, социјладемократите препознаа мизогинија. Велат дека српскиот претседател го нагласил нејзиниот пол на понижувачки начин и ја обвинил дека има врска со сецесијата на 14% од територијата на Србија, мислејќи на Косово.
„Ова е класичен пример за стилот на Вучиќ – навреди наместо аргументи, што открива длабоко вкоренет шовинизам и понижување на жените. Таквиот однос кон жените не е само личен манир на Вучиќ, туку претставува системски проблем во политичките кругови каде жените на високи позиции често се таргетираат врз основа на нивниот пол, со што се девалвираат нивните професионални достигнувања и придонеси“, пишува во реакцијата на СДСМ.
Во неа се нагласува и дека СДСМ недвосмислено ја поддржува Радмила Шекеринска, која нема никаква врска со обвинувањата за сецесионизам и која секогаш се залагала за дијалог и стабилност на Западен Балкан. Нејзината улога во НАТО е доказ за силата и компетентноста на жените во меѓународната политика, а ваквите напади ги гледаме како обид за минимизирање на таквите успеси, потенцираат социјалемократите.