Проекцијата и намерите за инфлацијата оваа година се таа да биде меѓу 2,5 и 3 проценти, рече гувернерот на НБРМ, Трајко Славевски во вечерашното интервју во „Вин-Вин“ на Телма ТВ.
„Многу е важно нашата стапка на инфалција да биде во рамки на стапката на инфлација во еврозоната, затоа што ние имаме фиксен девизен курс. На некој начин и нашата ценовна стабилност е увезена од она што се случува во Европската Унија и еврозоната заради фиксниот девизен курс. И секое отстапување на нашата инфлација од инфлацијата во еврозоната може да влијае на постепено намалување на конкурентската способност на нашата економија. Ако цените кај нас раст побрзо одошто надвор, курсот останува, мислам номиналниот девизен курс стабилен, тоа е неминовна, да речам, последица“, вели Славевски.
С.Д.