ВМРО-ДПМНЕ денеска реагира на пресконфернциите на СДСМ за случајот со петте тони дрога кои од Македонија завршија во Србија. Од партијата на власт порачуваат доколку СДСМ има докази за некаква вмешаност на поединци од власта со случајот да пријават во обвинителство во спротивно ќе поднесат тужба.
–СДС веќе ја претера. Навикнати сме на лаги, манипулации, шпекулации и ширење на невистини од нивна страна, но ова веќе ја прели чашата. Ги повикуваме доколку имаат било какви докази за некаква вмешаност на поединци од власта во случајот со 5 тони дрога веднаш да ги достават до ЈО, во спротивно ќе добијат тужба, велат од ВМРО-ДПМНЕ.
Од таму обвинуваат дека на СДСм најлесно им било растураат пердуви во јавноста, и потоа да немаат никаква одговорност.
-Провери ли СДС во фабриката за марихуана кај Заев? Зошто имало камиони без таблици во таа фабрика? Зошто Заев лично ѕвонел на телефони во царинската управа и се интересирал за случајот со марихуана? Каква е улогата на Вице во целиот случај? Прашуваат од партијата на власт.
-СДС мора да разбере дека ако они крадеа, ние не крадеме. Ако тие даваа пасоши на криминалци, ние не даваме. Ако тие договараа тендери во 4 очи и добиваа автомобили за истото, ние не правиме така. СДС е синоним за криминал, корупција и неспособност, ВМРО-ДПМНЕ е синоним за чесност, работа и дела, реагираат од ВМРО-ДПМНЕ.