Основното јавно обвинителство Куманово отвори истражна постапка против српски државјанин осомничен за неовластено производство и пуштање во промет на наркотични дроги откако лицето на преминот Табановце пред два дена се обидел да прошверцува околу 130 килограми марихуана. Царинските службеници при контрола на камион со полуприколка – ладилник – со словенечки регистарски ознаки пронашле 129,7 килограми марихуана скриени во 14 торби. Камионот е во сопственост на превозна компанија од Словенија, а дрогата била сокриена во товарниот простор. Јавниот обвинител поднел предлог до судија на претходна постапка за определување мерка притвор за осомничениот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.