Крвав чин кој ја потресе Словенија но и доведе до оставки во владата на премиерот Голоб.
48-годишен маж синоќа околу 2 часот и 30 минути по полноќ бил нападнат пред ноќен клуб во градот Ново Место. Според објавите на словенечките медиуми, човекот дошол пред клубот за да го земе својот син, кому му се заканувале група роми. Првичните информации се дека мажот бил претепан од поголема група роми, но полицијата засега уапсила едно лице, на возраст од 20 години, за кого се тврди дека и претходно вршел кривични дела.
Неофицијално се тврди дека тој бил единствениот напаѓач, иако полицијата ја истражува можноста за учество на други лица во смртоносниот напад.
Од здобиените повреди, нападнатиот човек подоцна починал во болница.
Денеска, заради чувството на , како што го нарекоа, објективна одговорност, оставки на своите позиции поднесоа министерката за правосудство, Андреја Катиќ и министерот за внатрешни работи, Боштјан Поклукар, кои беа и прифатени од премиерот Роберт Голоб.
Тој попладнето и се сретна со градоначалникот на Ново Место, Грегор Мацедони, како подготовка за седница на владата закажана во вторник, на која се очекуваат конкретни предлози за вонредни мерки.
„Разбирам дека сите чувствуваме болка, бес и страв. Но, повиците на одмазда и вооружување не смеат да не заведат, туку заради невината жртва треба да ја прекинеме состојбата која е последица на повеќедецениското занемарување на оваа проблематика“ – изјави премиерот Голоб по средбата со градоначалникот Мацедони.
Н.И