Во Газа се уште е на сила кревко примирје, еден ден откако договорот се соочи со првото големо искушение. Помина повеќе од една недела од почетокот на предложеното примирје под покровителство на САД, со цел да се стави крај на двегодишната војна во малата енклава. Во неделата, Израел се закани дека ќе ги запре испораките на хуманитарна помош во Газа, а неговите сили убија десетици лица во нападите, откако милитантите на Хамас беа обвинети за убиство на двајца војници. Подоцна, Израел соопшти дека продолжува со спроведување на примирјето и договорот постигнат со посредство на американскиот претседател Доналд Трамп.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.