Делегација од 15 члена на Конгресот на локални и регионални власти при Советот на Европа ќе ги набљудува локалните избори во Македонија на 19 октомври. Мисијата ќе ја предводи Ирец, а седум тима ќе бидат распоредени на различни гласачки места низ државата. Во рамки на набљудувачката мисија, делегацијата ќе одржи средби со претставници на ДИК, политички партии, медиуми, невладини организации, како и со меѓународни партнери. Предвидени се и заеднички состаноци со тимот на ОБСЕ/ОДИХР. Прелиминарните заклучоци од мисијата ќе бидат презентирани на заедничка прес-конференција со ОБСЕ/ОДИХР и Европскиот парламент, која ќе се одржи во понеделник, 20 октомври, во хотел „Хилтон“ во Скопје.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.