Баер Леверкузен денеска му врачи отказ на тренерот Ерик тен Хаг по само два натпревари во новата сезона во Бундеслигата.
„Фармацевтите“ освоија само еден бод, откако загубија во премиерното коло на домашен терен од Хофенхајм, а изминатиот викенд ремизираа 3-3 со Вердер иако имаа играч повеќе и две водства од 0-2 и 1-3.
Холанѓанецот беше назначен на клупата на германскиот тим ова лето како замена за Чаби Алонсо, кој го презема Реал Мадрид. Тен Хаг во октомври минатата година беше отпуштен од Манчестер јунајтед, а претходно работеше со успех во Ајакс.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.