Францускиот главен град синоќа буквално гореше откако ПСЖ ја освои титулата во фудбалската Лига на шампиони по победата од 5-0 против Интер. Полицијата имаше полни раце работа, но за жал во немирите имаше и жртви.
Две лица се починати и над 500 се уапсени во немирите што се случија синоќа во Париз за време на прославата на шампионската титула на ПСЖ, соопшти министерот за внатрешни работи на Франција, а објави „Скај“.
Навивањето и славењето по победата брзо станале насилни во близина на Елисејските полиња, но и во близината на стадионот на ПСЖ, „Паркот на принцовите“.
Француските власти регистрирале 692 пожари од кои дури 264 опожарени автомобили.
Околу 5.400 полицајци биле распоредени низ францускиот главен град, кои морале да користат солзавец за да ги растурат насилните толпи навивачи. Министерството потврди дека 22 полицајци биле повредени при нередите и седум пожарникари.
🇫🇷 Clashes between #rioters and police still ongoing at 2AM in #Paris.
A car hit a cyclist and his passenger. Two more fans were also hit by a car
An unknown assaults a firefighter. pic.twitter.com/pjc6Njg1Ho— Uncensored News (@Uncensorednewsw) June 1, 2025