Ландо Норис ќе стартува од пол-позицијата за првата сезонска трка во Формула 1 шампионатот што утре се вози за Големата награда на Австралија. Мекларен денеска беше пребрз за конкуренцијата, бидејќи покрај Норис во првиот стартен ред е неговиот тимски колега Оскар Пиастри.
Норис имаше најбрз круг со време од 1 минута, 15 секунди и 96 илјадитинки. Пиастри беше втор, а трето место во квалификациите освои светскиот шампион Макс Ферстапен од Ред Бул.
Џорџ Расел ќе стартува како четврти, а зад него се Јуки Цунода, Александер Албон, па потоа следуваат двајцата возачи на Ферари, Шарл Леклер и Луис Хамилтон. Најдобрите десетмина ги комплетираат Пјер Гасли и Карлос Сајнц.
Трката на патеката „Мелбурн Парк“ утре стартува во 5 часот наутро по средноевропско време.
