Серхио Перез вчера го раскина договорот со Ред Бул, па тимот денеска го промовираше Лијам Лосон во нов тимски колега на формула 1 шампионот, Макс Ферстапен.
Ред Бул не беше задоволен од перформансите на Перез во 2024 година, па иако потпише нов двегодишен договор во месец мај, челниците решија да ја прекинат соработката со Мексиканецот.
Австрискиот состав реши да му даде шанса на Лијам Лосон крај четирикратниот шампион Ферстапен, односно го унапреди од сестринскиот тим РБ. Возачот од Нов Зеланд импресионираше во два кратки мандати во болидот. Прво откако го замени повредениот Даниел Рикардо за пет трки во 2023 година, а изминатава сезона целосно го презема местото на Австралиецот од трката за Големата награда на САД.
Иако многумина очекуваа Јуки Цунода да добие шанса во Ред Бул, Јапонецот следната сезона ќе остане во вториот тим, односно РБ. Негов партнер се оечкува да биде Исак Хаџар, кој моменталнот се натпреварува во Формула 2.
