Проекцијата на платите, за жал, кажува нешто поинаку и тоа е драматична слика која одразува економската состојба на македонските граѓани. Долг период работевме на анализи, имаме детален план што ќе го видите наскоро во јавноста, рече Иванка Василевска, пратеничка на ВМРО-ДПМНЕ, во вечерашната дебата во „Топ тема“ на Телма ТВ.
„Нашата платформа се заснова на економска трансформација на Македонија. Констатирајќи ги сегашните состојби со, да речеме, инфлација од основни 19 проценти, на храната и на прехранбените продукти на моменти достигнува преку 50 проценти. Да не заборавиме дека 1 посто раст на бруто-домашен производ не е домаќинска економија. Од тука, она што нашиот економскиот тим го понуди е нивелиран и стратешки раст на бруто-домашниот производ од пет проценти за секоја година, кој би требало да се темели врз неколку други параметри. кои што се, исто така, особено значајни, а тоа е повторно враќање на Македонија на колосек за донесување на странски инвестиции“, вели Василевска.
Според неа, не може да се зборува за стабилна економија, со раст на инфлација од 50 проценти, повеќе од еврозоната.
„Тоа значи дека сме далеку од било каква стабилна, дури и во демократија или во институционален систем сме на работ. И сето ова е поврзано и со корупцијата, и во борбата со зајакнување на институциите, расчистување со недопирливите во судско-обвинителскиот систем, расчистување со крунискиот пристап за водење на политика, намалување на управни одбори, намалување на заменици директори, итн.“, изјави Василевска.