Скапата струја од ЕСМ натера дел од потрошувачи да избегаат на отворен пазар. Од декември до февруари околу 20 илјади мали потрошувачи одлучија со електрична енергија наместо на регулиран да се снабдуваат на отворен пазар каде таа е поевтина. Првиот регулатор очекува овој тренд на префрлање да продолжи и освен компании тоа да го сторат и дел од домаќинствата.
Верувам дека и оние домаќинства кои длабоко влегуваат во четвртиот блок ќе се префрлат на слободен пазар на струја каде што ќе имаат подобри услови односно цени ан струја. ЕСМ како државна компанија тоа што може да го даде ќе го даде тоа се прв втор и трет блок, вели Марко Бислимовски, претседател на Регуалаторна комисија за енергетика
Според, податоците мегават час на берзите чини околу 70 евра, па и пониско, додека на РЕК Битола достигнува и до 110 евра. Според, Бислимовски ова е проблем на кој мора да се работи.
Факт е дека имаме цена од берзите, пониска од термоелектраните во Битола и тоа е проблем на кој мора да се работи и да се решава но за жал во земјава почна да се увезува јаглен и не можеме да очекуваме дека цената со увозен јаглен ќе биде далеку пониска. Овој викенд имавме во саботата 43 до 43 евра за мегават час во неделата 30 и тој тренд ќе биде поизразен и ќе имаме потрошувачи кој ќе одат на отворен пазар, додава Бислимовски
Последно ЕСМ донесе одлука да набави 500 илјади тони јаглен за потребите на РЕК Битола. Но, од кој ќе го испорачува, по која цена и колку пријавени имало на повикот од државните електрани повеќе од една недела одговори нема.
Пред извесно време се намали и цената за топлинска енергија за училиштата, општините, малите дуќани во главниот град. Дали тоа ќе се случи и за домаќинствата е неизвесно. Бислимовски вели дека ТЕТО испорачува топлинска енергија помалку од она што го има предвидено регулаторна. Зошто е тоа така допрва ќе се разговара, но уверува дека тоа нема да влијае при утврдување на новата цена на парното.
По реакциите во јавноста пак за воведувањето на давачката од 200 денари за пристап до мрежа, Бислимоивски тврди дека никој од оваа давачка нема да заработи, а ако не се вовела можело да дојде до поскапување на евтината тарифа, но и на цената во блоковите.
Ирена Чачкова