Бостон го совлада Феникс со 127-112 и математички стана првиот тим во лигата што обезбеди место во разигрувањето за титулата. Џејлен Браун имаше 37 поени, Џејсон Тејтум придодаде 26, додека Ал Хорфорд го заврши натпреварот со 24 поени. Девин Букер со 32 поени најмногу се истакна кај Санс.
Далас без Лука Дончиќ во составот загуби на гостувањето кај Оклахома со 126-119. Шеи Гилгеус Александер со 31 поен ги предводеше Тандер, додека Кајри Ирвинг најмногу се истакна на спротивната страна со 36 поени и 12 асистенции.
Јанис Адетокумпо со 32 поени и 11 скока го одведе Милвоки до триумф од 114-105 против Филаделфија. На останатите натпревари, Лос Анџелес клиперс славеа на гостински паркет кај Чикаго со 126-111, Хјустон го совлада Вашингтон со 135-119, а Њујорк како гостин победи во Портланд со 105-93.