Кошарка Спорт

Денвер подобар од Мајами, Лејкерс се помачија со очајниот Вашингтон (ВИДЕО)

Во реприза на ланското големо финале, Денвер и Мајами сезонава за прв пат ги одмерија силите, а победи домашниот тим со 103-97. Мајкл Портер јуниор со 30 поени и 11 скока ги предводеше Нагетс, додека Никола Јокиќ ја прекина низата од четири трипл-дабл натпревари по ред, па имаше 18 поени, 11 скока и 7 асистенции.

Лос Анџелес лејкерс му го нанесоа на Вашингтон 13-тиот пораз во низа со 134-131 по едно продолжение. Ентони Дејвис реализираше 40 поени и 15 скока, додека Леброн Џејмс имаше 31 поен и сега е на само девет поени да стане првиот кошаркар во историјата со 40.000 поени во кариерата.

Јанис Адетокумпо го предводеше Милвоки до победа од 111-99 против Шарлот со 24 поени и 11 скока. Голден Стејт славеше во „Медисон Сквер Гарден“ кај Њујорк со 110-99, а Феникс беше подобар од Хјустон со 110-105. Победи остварија и Орландо, Бруклин и Оклахома.

 

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

ФОТО галерија: Градското дерби без победник, по гол и бод за Работнички и Македонија ЃП

Дејан Дејан

МЗТ загуби од Спартак: На реваншот во Суботица ќе бара изненадување за место во финалето

Desk

Обрадовиќ потпиша нов договор со Партизан

Desk

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе