Кошаркарската репрезентација на Македонија со пораз го отвори новиот циклус на квалификации за Европското првенство. Вечерва во салата на СРЦ Кале нашиот состав беше поразен од Естонија со 74:69.
Избраниците на селекторот Александар Јончевски одиграа добри први дваесет минути, но во третиот период падот во играта беше огромен, а тоа го искористи противникот кој успеа да го преземе водството и да го задржи до крајот на средбата.
Најефикасен во македонската селекција беше Ненад Димитријевиќ со 26 поени, Итан Хап додаде 18 поени и 10 скока додека Стојан Ѓуроски беше стрелец на 10 поени.
ФОТО: Игор Паневски