Никола Јокиќ стана само третиот кошаркар во историјата , крај Леброн Џејмс и Расел Вестбрук што постигнал трипл-дабл против сите тимови во НБА-лигата. Српскиот центар имаше 21 поен, 19 скока и 15 асистенции во победата на Денвер од 130-110 против Вашингтон на домашен паркет. Интересно Јокиќ имаше перфектни 10 од 10 од поле.
Лука Дончиќ со 41 поен и Кајри Ирвинг со 29 го водеа Далас до триумф од 123-113 против Феникс. За Маверикс ова беше седма победа по ред за да се израмнат со Санс на табелата на Западот со по 33 победи и 23 порази. На спротивната страна Девин Букер постигна 35 поени, а Кевин Дурент 23.
Голден Стејт славеше против Лос Анџелес лејкерс со 128-110. Стеф Кари имаше 32 поени, а Ендру Вигнс реализираше 20 за Вориорс. Кај гостите, кои беа без Леброн Џејмс во составот, Ентони Дејвис беше најефикасен со 27 поени и 15 скока.
НА ОСТАНАТИТЕ НАТПРЕВАРИ:
Кливленд – Орландо 109-116
Индијана – Детроит 129-115
Филаделфија – Њујорк 96-110
Торонто – Бруклин 121-93
Чикаго – Бостон 112-129
Њу Орлеанс – Хјустон 127-105
Оклахома – ЛА Клиперс 129-107
Јута – Шарлот 107-115
Сакраменто – Сан Антонио 127-122