Владата ја намали поддршката за електрична енергија. Цената на струјата е субвенционирана со 84 отсто, а не со 91 процент како што сега пишува во фактурите, вели вицепремиерот Битиќи. Тврди дека ЕВН треба да направи корекција и во самите сметки, а домаќинствата да имаат јасна слика за тоа колку точно изнесува поддршката.
Треба да се смени процентот за да им се укаже на граѓаните колку е реално субвенционирана. Таа што беше 91, велам треба да е 84. Разликата е 7 отсто затоа што производната цена на електричната енергија од ЕСМ е намалена наспроти тоа што било претходно“, пресметките таму во табелата доле за илустрација треба некој во евн да седне да ја направи јас ако не знаат еве јас ќе го направам вели вицепремиерот Фатмир Битиќи
Ваквиот потег доаѓа како резултата на тоа што цените на берзите се стабилизирани, а трошоците на ЕСМ да обезбеди струја намалени. Но, дополнително на кратењето влијае и воведувањето на дневната евтина тарифа, од два часа во декември лани.
Апсолутно ќе влијае затоа што таа потрошувачка од скапа се префрла во евтина тарифа и таму цената е далеку пониска од блоковите од скапа тарифа, вели претседателот на РКЕ Марко Бислимовски
Од ЕВН за Телма соопштија дека од Владата скоро ги добиле новите пресметки за субвенциите и тие ќе бидат вметнати во полето во фактурите обезбедено за поддршката од државата.
Овие пари владата ги префрла од државниот буџет кој го полнат граѓаните и фирмите, а кој одат директно во ЕСМ, но се нарекуваат субвенции. Од друга страна со стартот на грејната сезона во фактурите за парно може да се забележи дека владината поддршка повеќе не ја пишува. Но, во одговор за Телма од ЕСМ соопштуваат дека и оваа сезона ќе има субвенции, калкулациите се прават.
Ирена Чачкова