Денвер со 111-93 му го нанесе на Шарлот 11-тиот пораз по ред во НБА-лигата. На овој натпревар Никола Јокиќ им ја препушти главната улога во нападот на Џамал Мареј со 25 поени и Мајкл Портер Јуниор со 22. Српскиот центар имаше 13 поени и 11 скока.
Јута го уништи Далас со 127-90 и тоа благодарение на Џордан Кларксон, кој стана првиот кошаркар на Џез што постигнал трипл-дабл уште од 2008 година. Плејмејкерот имаше 20 поени, 11 асистенции и 10 скока. Симоне Фонтекио придоаде 24 за домашниот тим додека кај гостите Лука Дончиќ постигна 19 поени и имаше 14 асистенции.
На останатите натпревари, Лос Анџелес клиперс славеа со 121-104 против Мајами. Јанис Адетокумпо имаше трипл-дабл за Милвоки, но Бакс загубија на домашен паркет од Индијана со 113-122. Хјустон беше подобар од Детроит, Торонто го победи Кливленд, а славеше и Феникс против Портланд.