Попладнево во просториите на Ракометната федерација на Македонија со жрепка беа одредени натпреварувачките двојки за продолжението од сезоната во машкиот шампионат.
Уште на самиот почеток од решавачкиот дел на првенството за освојување на титулата ќе се соочат вечните ривали Еурофарм Пелистер и Вардар, а во првото коло актуелниот вицепрвак Алкалоид за противник ќе го има Пролет.
Во останатите две средби се среќаваат Бутел Скопје – Охрид и Тиквеш – Струга.
Во делот од разигрувањето за титулата Вардар и Алкалоид како најуспешни во Супер лигата влегуваат со три бода, Еурофарм Пелистер и Охрид имаат по два, а со еден бод почнуваат Тиквеш и Бутел Скопје додека без бодови стартуваат Струга и Пролет.
Според календарот разигрувањето за титулата почнува во вториот викенд од февруари, а термините ќе бидат дополнително утврдени.
ФОТО: Игор Паневски